មិនធម្មតា!!!​​ តារាកំប្លែងល្បីឈ្មោះ វ៉ាន់ នី​ឡា សុខចិត្ត​រៀបការ​តាមបំណងរបស់ក្រុមគ្រួសារ ដោយសារតែ…

ភ្នំពេញ៖ ថ្វីត្បិតតែ​ចំណង​ស្នេហ៍របស់តារាកំប្លែង វ៉ាន់ នី​ឡា មិនសូវ​ផ្អែមល្ហែម​ដូចជា​ពេលមុន​ក្តី តែ​នាង​នៅតែ​អះអាងថា​ចំណង​ស្នេហ៍​នោះ​នៅ​ដូចដើម ហើយ​ទៅ​ថ្ងៃមុខ​នាង​នឹង​សម្រេចចិត្ត​រៀបការ​ទៅតាម​អ្វីដែល​ឪពុកម្តាយ​របស់​នាង​ជា​អ្នករៀបចំ ។

បន្ទាប់ពី​មានរឿង​ចម្រុង​ចម្រាស​និង​គូ​ដណ្តឹង​រួម​មក​បានធ្វើឱ្យ វ៉ាន់ នី​ឡា កាន់តែ​ឃ្លាត​ឆ្ងាយ​ពី​គូ​ដណ្តឹង និង ​មិនសូវ​បណ្តើរគ្នា​ទៅណា​មក​ណា​ដូចជា​ពេលមុនៗ​នោះទេ ។ ទោះបី​ជាមាន​ព័ត៌មាន​បែបនេះ​ក្តី វ៉ាន់ នី​ឡា នៅតែ​អះអាងថា ចំណង​ស្នេហ៍​នាង​នៅ​ល្អ​ដូចដើម គ្រាន់​តែមួយ​រយៈពេល​ចុងក្រោយ​នេះ​អ្នក​ទាំងពីរ​រវល់ការងារ​រៀងៗ​ខ្លួន មិនសូវមាន​ពេលវេលា​ដើរ​ជាមួយគ្នា​ដូច​មុន ។​

ស្រប​ពេលដែល វ៉ាន់ នី​ឡា អះអាងថា​ចំណង​ស្នេហ៍​នាង​នៅ​ដូចដើម នាង​ថែមទាំង​បាន​ព្រលយ​ពាក្យពេចន៍​មួយចំនួន​ផងដែរ​ថា នាង​នឹង​រៀបការ​ទៅតាម​អ្វីដែល​គ្រួសារ​នាង​បានកំណត់ នាង​នឹងមិន​ជំទាស់​ ឬ​ប្រ​ឆាំង​នោះទេ ។

បើតាម​ប្រភពព័ត៌មាន​មួយ​បាន​បង្ហើប​ប្រាប់ថា វ៉ាន់ នី​ឡា និង គូ​ដណ្តឹង កំពុង​ត្រូវ​គ្រួសារ​ទាំងសងខាង​ជំ​រុញឱ្យ​រៀបការ​ឆាប់​បំផុត គឺអាច​រៀបការ​មុនពេល​កំណត់ សូម្បីតែ វ៉ាន់ នី​ឡា ផ្ទាល់​ក៏​មិនបាន​ប​ដិ​​សេដ​ចំពោះ​រឿងនេះ​ដែរ ។

វ៉ាន់ នី​ឡា ទទួលស្គាល់​ផងដែរ​ថា នាង​ និង ​គូ​ដណ្តឹង​គឺ​មិនសូវ​ចេះផ្អែមល្ហែម​ដូច​គេ ដូច្នេះហើយ​ទើប​ចុងក្រោយ​នេះ​ពុំ​ឃើញ​នាង​បណ្តើរគ្នា​ឬ​បង្ហោះ​រូបភាព​រួមគ្នា​ដូចជា​ពេលដែល​ទើបនឹង​ស្រឡាញ់គ្នា ៕