មានពន្លឺតើ ៖ ប៊ុត សីហា មានផលិតកម្មសាន់ដេ និងថោនប្រជែងដេញថ្លៃហើយ

ភ្នំពេញ៖ តារាចម្រៀងប៊ុត សីហា ម្ចាស់ពានThe Voice Cambodia រដូវកាល១អស់សុពលភាព​ក្នុងការ​មាន​សិទ្ធិឈរជើងនៅផលិតកម្មរស្មីហង្សមាស ក្រោយអ្នកចម្រៀងរូបនេះល្បីមានការពាក់ព័ន្ធនិងគ្រឿងញៀនមក។ យ៉ាងណាប្រភពបានឲ្យដឹងថា ក្រោយពេលដែល ប៊ុត សីហា ហាក់ស្ងប់ស្ងាត់រឿងសេពគ្រឿងញៀននោះមក ពេល​​​​នេះមានព័ត៌មានថា មានផលិតកម្មធំ២ដែល សីហា អាចនឹងចូលទៅស្ដារឈ្មោះសារជាថ្មីវិញបាននោះ គឺ​ផលិតកម្មសាន់ដេ និងថោន ដែលកំពុងតែត្រូវការធនធាន​អ្នកចម្រៀងខ្លាំងៗ​មកពង្រឹង​ផលិតកម្ម​របស់​ខ្លួន​នោះ

ជុំវិញព័ត៌មានបង្ហាញពន្លឺសិល្បៈរះឡើងវិញនេះ អតីតម្ចាស់ពានThe Voice Cambodia រដូវកាល១របស់​ក្រុម​ហ៊ុនហង្ស​មាសរូបនេះ ក៏ទទួលស្គាល់ថា ពេលនេះពិតជាមានផលិតកម្មពីចង់បានមែន។ ខណៈនេះ ប៊ុត សីហា ក៏បង្ហាញថា «មិនទាន់មានការសម្រេចិត្តឲ្យពិតប្រាកដថានឹងត្រូវទៅផលិតកម្មមួយណាឲ្យពិតប្រាកដទេ តែ ចង់ចូលទៅផលិតកម្មថោនជាងផលិតកម្មសាន់ដេ។ តាមការបង្ហាញជំហ៊លម្អៀងទៅផលិតកម្មថោននេះ ក៏​ត្រូវ លោក ប៊ុត សីហា ដែលទើបនឹងខកឱកាសចេញច្រៀងនៅទឹកដីអាមេរិក ក្រោយប៉ះរឿងអាស្រូវ​ប្រើ​ប្រាស់​គ្រឿងញៀនមួយប្រាវ លោកអះអាងថា «ដោយសាររូបគេមានស្គាល់អ្នកធ្វើការនៅទីនោះ»។